有性趣：瑜伽式子 助性收身

本書嘅內容以印度著名嘅《慾經》（Kama Sutra）為基礎，加埋作者個人研究及實踐後，所獲得嘅經驗著作而成，教授48招能令女士蜜洞變得更加緊緻，同時變得更有彈性嘅秘訣之外，更能起到活化女性賀爾蒙嘅作用，正因為賀爾蒙分泌得到改善，因此亦能獲得瘦身及助眠嘅效果。

作者先喺書中為大家介紹何謂《慾經》，然後再指出「放鬆」身心靈先至係活化賀爾蒙嘅關鍵，並帶出賀爾蒙跟蜜洞之間嘅關係，跟住就嚟到最重要嘅部分，就係「慾經48手瑜伽」，共分為8個篇章，分別係陰道運動篇、活化賀爾蒙篇、軀幹瘦身篇、腰部瘦身篇、美腿及增強體力篇、胸部護理及消除痠痛篇、放鬆篇及緊密貼合柔軟篇。雖然48招各有唔同嘅作用，但全部都係環環緊扣，不論係想性生活滿足，或想強身健體，均有相當參考作用。