有性趣：太子參補充元氣

太子參為石竹科多年生草本植物太子參嘅根塊，主要喺安徽、江蘇等地出產，有孩兒參、雙批七、異葉假繁縷、童參、四葉參、米參等別名。

喺中醫角度，太子參味甘、苦，性溫，歸肺經、脾經。據《本草從新》、《飲片新參》等中醫藥典籍記載，太子參有大補元氣、健脾潤肺、止汗生津等功效，適用於改善脾虛體倦、食欲不振、病後虛弱、氣陰不足等問題，對於強壯男人嘅雄風好有幫助！

想好好利用太子參嘅補益效果，不妨煮番一味太子參煮鵪鶉，材料包括30克太子參、10克玉竹同鵪鶉兩隻。先將三者洗乾淨，之後用滾水汆燙好，就可以裝入砂鍋中煲煮，直至鵪鶉熟，就可以食肉飲湯。