宅男天地：激戰異世界

曾經紅極一時嘅異世界冒險題材，雖然近期有降溫嘅情況，但係仍有唔少粉絲支持，最近便有呢款被日本十八禁遊戲迷期待，由TEAM BALDRHEAD製作嘅《閃鋼之Clarias》登場。故事講述男主角長井永羽喺倫敦遊學期間，有一晚喺街上迷路，去到車站附近見到一顆神秘寶石，當佢執起一刻就被傳送到異世界，一個名為「塞雷姆」嘅地方。身上穿着傳說盔甲「Clarias」嘅佢，邂逅一位正尋找父親嘅美少女Sherry。為咗返回原世界，長井永羽不斷幫助各位美少女嘅同時，更要跟敵人戰鬥。雖然故事係大路嘅異世界勇者，邊戰鬥邊壯大後宮兼縱慾曳曳，但勝在畫風高質，鹽花場面夠誘惑，相當值得期待。