有性趣：柏子仁 治陰血不足

佢記載於宋初陳希夷所著嘅《房術玄機中萃纂要》當中，材料有柏子仁5錢、附子及鹿茸各3錢。做法簡單，只需要將3種材料混合並碾成細末便可，如果想方便儲存，可用煉蜜搓成丸狀。每日服用3次，以溫酒送服便可，據書中稱用後「玉莖堅硬，妙不可言」。常見於各種壯陽藥方中嘅柏子仁，據醫書稱具養心安神，及治療陰血不足之用。

話時話，藥方名稱中嘅「南郡公主」究竟係邊位呢？據稱是南北朝時期劉宋嘅南郡獻公主，而佢之所以跟壯陽藥方扯上關係，其實係跟佢丈夫褚淵有關。作為美男子兼尚書嘅褚淵，被當時以性慾旺盛到「一夜十次」而著稱嘅山陰公主睇中，要求當時已跟南郡獻公主結婚嘅褚淵「服侍」自己，最後褚淵誓死不從而告終。民間唔敢直指，備受皇上寵愛嘅山陰公主淫亂，只能喺南郡獻公主身上做文章。當然呢個推測係真係假，就有待大家推敲。