有性趣：「陰賊方」有平又有貴

佢記載於作者及著作年代均不詳嘅奇書《毓麟驗方》當中，貴價版材料分別有母丁香、麝香、去油嘅乳香及沉香。製作方法好簡單，將所有材料碾成細末，再加水搓成丸狀便可。每次曳曳前取出兩粒藥丸，一粒放置喺女方嘅私處，另一粒則放入男方嘅「槍口」，待15至30分鐘後便可以行房，據書上稱有「行事如意」嘅功效。

至於平價版嘅材料有五倍子及遠志各兩錢、蛇床子三錢，製法同樣簡單，將所有材料碾成細末便可。每次曳曳前取出粉末加水搽喺男士兵器上，據書上稱「入戶而行，不必解」，同樣有男女共歡嘅作用。點解會有貴價同平價兩道配方之分呢？原因係麝香係一種貴價藥材，為雄性麝香鹿腺囊嘅分泌物，更係製造香水嘅原料嚟添。