有性趣：按揉水泉穴 益腎活絡

水泉穴係足少陰腎經嘅常用腧穴之一，穴位位於內踝後下方，太溪穴直下嘅一寸，跟骨結節內側凹陷處。

適當咁刺激水泉穴，有清熱益腎、通經活絡等功效，有助治療心下痛、陰挺、小便淋瀝、腹痛、目不可視、踝痛、足跟痛等問題，男人多利用呢個穴位，可令小便暢順之餘，亦可以強壯腎氣。

可以用手指輕輕打圈按揉，每次按摩約2至3分鐘。亦可以利用艾灸方法，將燃點嘅艾條放到水泉穴外約一至兩吋位置作艾灸，時間約5至10分鐘。另外，想改善腎氣虧虛情況，可以同時刺激中極穴同水道穴。