有性趣：了解正確性觀念

為性正名

問到大家點理解正確性觀念時，大部分人只能講出籠統嘅答案。據作者表示，現今世界嘅性資訊爆炸，加上唔少男女視成人影片為性愛指南，故此導致唔少人搞唔清楚正確嘅性觀念同性知識。作者認為只有為「性」正名，並提升大家嘅性教育水平，才能用正確嘅角度，去睇呢個男女必經嘅成長過程，故此書中嘅第一章內容便講出任何年齡嘅男女都有性需要、唔同地方嘅性法律以及測試大家嘅性IQ等。

性愛百問

至於第二章嘅內容則充滿娛樂性，好似大家有冇聽過性歷史學家？知唔知性健康及性福祉運動之母係邊個？性學研究大師又係邊位？當然書中亦會探求各種關於性健康嘅問題，好似性成癮係咪病？無性婚姻有冇解決方法？此外，若然遇到外遇，應該點修補同伴侶間嘅關係，出現性困擾又應該點解決呢？內容不但極具參考價值，仲相當貼地。