有性趣：女士性福大解放

奈央喺15歲時曾受性侵，長年陷入飲食障礙、憂鬱症等困擾。及至解開心鎖，主動面對「性」後，不但從痛苦中獲得解放，更根據自己經歷，喺日本創辦女性電子雜誌，向女士傳揚正確性觀念，並透過講座、文章、團體研討會等，令女士明白性愛唔單止係一種滿足丈夫嘅功課，仲能夠喺當中尋回戀愛嘅感覺，令性與愛變得更加圓滿。

書中第一章以擺脫刻板性觀念為主題，等女士勇於追求性愛上嘅滿足，而當中嘅主題分別有「我想愛愛，可是，如果女性主動求歡好像很不檢點」、「只要另一半開口求愛，即使心裏不願意，我也要配合」、「感覺不好的時候，一定要假裝高潮」等，內容不但夠貼地，更能為唔少女性喺性愛上解惑。此外，書中仲有唔少有趣嘅章節，例如解釋點解「男性化的女性」愈來愈多嘅原因等，所以男士都啱睇！