宅男天地：任玩女神模型化

日本插畫界有一位女角色可以任大家玩弄，佢就係插畫師TNSK喺2008年創作嘅高木小姐。話說呢位小姐可任意切下自己嘅肉，並具備即時復原嘅能力，所以擁有「Everyone's meat」嘅外號，而TNSK更將權限開放出嚟，隨便網民點樣運用佢，結果衍生眾多二次創作。早前，呢位女角色被模型化，仲係以十八禁造型登場，意思係模型加入剝衫玩法，絕對係好色之徒嘅福利之作！值得一提，呢款模型有兩款唔同表情嘅頭部可供替換，係一個可玩度唔錯嘅作品。