AV達人：國家級選手下海？

好多人都知道日本AV界最鍾意誇大其詞，明明女優樣子普通，但就形容為「十年一遇之美女」，又會煞有介事咁聲稱女優曾經係知名運動員或女主播，但究竟係咪事實，就只得佢哋至知喇！不過，最近就真係有一位日本國家級選手喺AV界隆重登場，佢就係新海咲。

今年21歲嘅佢唔算好靚女，但係身材高挑又健美，肌膚仲相當白滑添！早前佢為一本周刊拍完裸體寫真之後，就立即宣布以AV廠SOD嘅2月份專屬新人登場，賣點除咗身材弗爆，仲有「元日本競泳選手」呢個身份！到底係真定假呢？好快就有人將新海咲起底，發現阿妹前名叫小嶋美紅，除咗喺世界青少年游泳錦標賽拎過兩面金牌，仲曾經係日本國家泳隊選手。至於點解佢轉投AV界發展？當中嘅原因會喺佢嘅自傳《あたらし海》中交代，嘩！成件事商業意味好濃喎！