今夜一丁：彩川雛乃 破廉恥Body

正所謂人有相似，日本寫真界有唔少女優生得好似樣，十足兩姊妹咁，例如高橋凜就同一代寫真天后原幹惠相似，而且同樣擁有一對極品美巨乳，相當吸睛。至於引退冇耐嘅川崎彩，生得又高挑又可愛，亦有一位女優同佢樣貌相似，佢就係今日同大家見面嘅彩川雛乃喇。

雖然阿妹生得細粒啲，身高只得5呎1吋，不過身材婀娜，有前有後腰又幼，肉地仲相當結實，散發幾分健美感覺，加埋胸前一對天然E奶，夠晒分量，就算拍埋高挑嘅川崎彩身邊亦唔會輸蝕。除咗身材吸引，雛乃嘅樣子亦嬌俏可愛，配埋把嗲到暈嘅聲線，男人點會唔冧吖！

加入寫真界之前，雛乃係地下偶像團體DokiDoki☆Dream Campus嘅成員，不過唔係咁受歡迎，所以成立一年之後就解散，而阿妹表示入團嘅短短日子，係佢演藝事業上嘅黑歷史，以後都唔想再提添。之後佢加入另一團體LINK STAR's，更擔任隊長一職，可惜好景不常，團體喺2017年宣告無限期停止活動，好彩雛乃當時已經發展寫真女優事業，唔使失業咁陰功。

提到拍寫真，佢最擅長以誘人胴體做出各種極具挑逗性嘅動作，被認為完全將羞恥心拋卻，因而被稱為「破廉恥BODY」。近年佢仲踩入電視界，經常演出綜藝節目，由於表現活潑相當惹人喜愛，所以更有「次世代綜藝公主」之稱，唔知阿妹會唔會好似前輩中村靜香咁直情轉型做電視藝員呢？

Profile

年齡：26歲

身高：5呎1吋

三圍：34E-23-33

彩川雛乃近期落力為佢寫真作品四圍做宣傳，從佢嘅社交網中就大家可以睇到相關活動嘅情況，亦可以睇到乃妹嘅性感自拍照，千祈唔好錯過喇！

網址：https://twitter.com/hinano_fitone