有性趣：搖鞭丸 重振雄風

曬乾11日

「搖鞭丸」呢個名相當有霸氣，佢記載於古代奇書《毓麟驗方》之中，材料分別有長1呎1吋以上嘅馬戶物一根、沉香一錢、威靈仙及覆盆子各一両。做法係先將馬戶物放喺室外曬乾11日，然後混合其他材料碾成細末，加入燒酒及糯米搓成棗核般大嘅丸狀便可。至於馬戶物係咩嚟呢？其實就係馬鞭。

治陽物不起

用法相當簡單，每日空肚以開水服6至7粒藥丸便可。據書中稱此方能「治陽物久倒不起，或思慮過度，或因血氣不足不起。」簡單嚟講，不論係生理定心理因素而導致不舉，食咗呢道藥就能夠重振雄風，真係唔知堅定流！材料中嘅威靈仙又係乜嚟呢？佢係毛茛科攀援性灌木植物，主產於江蘇、安徽等地，據《藥品化義》稱，威靈仙具有「善走而不守，宣通十二經絡」嘅功效，不過佢同時含有毒性，所以大家千祈咪亂用。