大開色戒 ：AV男神嚴選名器

有「萬人斬」之稱嘅AV男神清水健，時不時都會品評一下AV女優，好似邊個口技最強、邊位玩體位最勁等，而早前佢就喺YouTube頻道上發表，令佢最難以自拔嘅AV女優名器，當中嘅名單共有7位，全部都係現役女優。

健哥仲解釋佢哋上榜嘅原因，而排名不分先後，分別係識得激烈收縮蜜洞同夾緊臀部嘅天晴乃愛、緊緻又包裹度十足嘅石川澪、蜜洞緊緻且擁有41G巨乳嘅瀨田一花、蜜洞吸力特強嘅35H巨乳女優小宵虎南、蜜洞彈性十足嘅G奶女優結城莉乃、吸力強勁且美股彈力十足嘅和知昴，同埋蜜洞充滿彈性兼身體柔韌度高嘅日俄混血兒Anna。睇完健哥嘅評價讚不絕口，係咪好想即刻搵番呢7位女優嘅作品嚟睇吓呢？

安全套除咗減低感染性傳播疾病及達到避孕效果外，仲有乜嘢用途？原來仲可以用嚟做擦膠！呢件產品叫做「Condom Eraser」，外形似足安全套，但卻係百分百嘅擦膠嚟，故此佢唔能夠當成安全套使用。

據廠商表示呢件產品針對嘅對象，主要係辦公室人士使用，目的係希望能為佢哋嘅日常辦公室工作中加添一啲趣味，廠方又稱一盒三個嘅「Condom Eraser」，相信足夠辦公人士半年之用。不過有網民話，呢個擦膠安全套相信好快會喺學校出現，亦有網民笑稱如果真係帶返學校嘅話，相信下場一定會被罰。而廠方稱唔擔心有人會錯將佢當成安全套，事關佢僅得外形似，並唔能夠好似安全套般拉長。

完事之後，男人千祈唔好對女人講嘅6句話，你講過幾句？早前英國情趣玩具品牌Ricky做咗個關於女士喺完事後，最討厭聽到嘅說話調查，並選出當中嘅6句之最，結果第6位係「我欠你幾多錢？」（How much do I owe you?）受訪女士表示感覺好似為錢而上床咁；第5位係「我搵唔到個套」（I can't find the condom），相信呢句說話對女士嚟講真係好震驚；第4位係「太快喇」（That was quick），其實太快唔單止令女士掃興，男士亦好冇癮；第3位係「來張自拍吧！」（Let's take a selfie），女士唔明點解曳曳後要自拍；第2位係「呢啲係乜嘢氣味？」（What's that smell?）女士覺得係咪嫌佢身上嘅氣味；第1位係「我諗我愛上你」（I think I'm in love with you），對於想一夜情嘅女士嚟講，聽到呢句話真係唔知點回應囉！

撰文：魂