有性趣：鱵魚養陰益氣

鱵魚別名叫姜公魚、針魚、針扎魚、銅吮魚，據《醫林纂要》稱「鱵魚滋陰，能穿潰癰毒，作湯服之。」而從現代營養學角度去分析，鱵魚嘅營養相當豐富，除咗含有蛋白質，亦含有維他命A、B3和E，以及鈣、鐵、錳、硒、鎂、鐵、銅、鉀、鈉等礦物質，仲含有多種氨基酸，如牛磺酸，黃嘌呤，硫胺素等微量元素。

有唔少中藥方劑都會加入鱵魚做材料，例如要治療陰虛內熱、盜汗、五心煩熱嘅話，就可以用60克鱵魚肉、30克功勞葉以及30克枸杞根，以水煎服便可。另外，鱵魚喺日本料理當中亦會見到，其魚肉會被用嚟製成壽司和刺身，相當鮮味又有益。