有性趣：性愛保養48手秘技

作者多年嚟以提升女性性健康，以及圓滿性體驗為目的，呢本著作更係將400年前江戶時期日本花魁所鍛煉嘅床上動作，糅合現代瑜伽動作，成為既能提升女性床上體驗，又可以鍛煉身體嘅48手瑜伽動作。作者解釋之所以以花魁嘅床上動作為基礎，原因在於當中嘅動作喺當時被花魁認為係保持魅力嘅秘方，配上現代瑜伽動作後，便能起到強身健體嘅作用。

所謂強身健體，作者解釋分為4個部分，分別係能令女性提升體能，上床時表現更有勁度、令女性賀爾蒙全面爆發，從而激發魅力、促使全身代謝起到豐胸兼纖體嘅瘦身效果，以及令蜜洞變得更緊緻有彈力，從而令快感提升。為咗令讀者更易掌握48手瑜伽嘅動作，用上大量嘅插圖，更附上大型海報，方便讀者貼喺牆上一邊參照一邊鍛煉，相當貼心。