有性趣：壯精丸 人奶童便係重點

佢記載於古代醫學奇書《毓麟驗方》當中，材料分別有用人奶及酒蒸過嘅懷熟地、用酒煮過嘅懷生地、用人奶拌過嘅懷山藥、枸杞子、杜仲、覆盆子、淫羊藿、川附等20多種，不但材料繁多，而且好多都要用上人奶。不過咁都唔算奇，當中嘅川附更要用上童便處理過，叫人點食得落呀！

至於做法相當簡單，將所有材料烘乾後碾成細末，以蜜糖搓成丸狀便可。於行房前1至2小時用烈酒送服3錢分量，如果飲唔到烈酒，用暖水送服亦可。據書中稱：「此方不舉者能舉，不堅者能堅，不大者能大，不固者能固。」講得神奇無比，不過大家記住，呢道僅為民間偏方，千祈咪亂試呀！