宅男天地：溝女Game神作重製版

近年有唔少經典遊戲宣布重製，而作為十八禁戀愛遊戲神作嘅《同級生》又點可能冇份呢？2月尾由FANZA GAMES製作嘅《同級生Remake》，同1992年版本嘅最大分別在於所有畫面都係以全高清重製，雖然冇新內容，但作為十八禁遊戲嘅神級作品，相信會吸引唔少人捧場。故事好簡單，講述玩家扮演嘅男主角趁人生最後一個暑假盡情溝女，當中有14位各具特色嘅女角色任揀，包括青梅竹馬嘅女友人、豪門千金、風騷老闆娘、鹹濕女醫生、巨乳人妻等等，究竟用銀彈攻勢定真愛嚟打動對方，全部由你話事！