昔日東方有性趣：按摩小腹補腎壯陽
男人除咗要錫住條腰，小腹亦會影響床上表現，因為嗰度有關元穴同氣海穴，兩個穴道都關乎腎臟功能，只要得到適當刺激，就可補腎壯陽！
穴道位置喺邊？
關元穴又稱為下丹田，位於臍下四指處，約為肚臍之下3吋位置，位於人體「陰脈之海」嘅任脈之中。至於氣海穴嘅位置就喺關元穴對上，即下腹部前正中線上，肚臍中下1.5吋。
強陽氣治早洩
正如上文提到按摩小腹，可刺激關元穴同氣海穴，從而達到補腎壯陽、增強陽氣、溫通經絡、理氣和血、補虛益損等功效，除咗有助治療因元氣虛損而引起嘅病症，如遺精、陽萎、早洩、性功能低下等，亦有助改善小便滴瀝不盡、尿頻、尿急，尿痛等問題。
點樣按摩先得？
按摩小腹時，可以關元穴為中心，手掌貼住呢個位置，再打圈按摩3至5分鐘。之後，隨住呼吸按壓小腹位置約3分鐘。如果時間許可嘅話，喺按摩之後，用艾灸方法刺激小腹位置，每次約5至10分鐘，有助進一步加強壯陽效果。
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
