有性趣：化石入藥 早洩男恩物

治療遺精

龍骨為古代哺乳動物如象類、犀牛類、三趾馬等嘅骨骼化石，別名五花龍骨、青化龍骨、白龍骨。從中醫角度嚟睇，其味甘、澀，性平，歸心經、肝經、腎經、大腸經，具有鎮靜、斂汗澀精作用，可治療遺精早洩、帶下崩漏、虛汗久瀉、濕瘡癢疹等問題。唔少中醫藥典籍都有記載龍骨嘅作用，如《本草從新》稱「龍骨能收斂浮越之正氣，澀腸，益腎，安魂鎮驚，辟邪解毒，治多夢失眠、滑精、脫肛、大小腸利。」

金鎖固精丸

喺另一本中醫藥典籍《醫方集解》當中，就記載咗一道「金鎖固精丸」，主要材料有龍骨同芡實，謂龍骨性平而澀，入肝、腎經又兼入心經，善於收斂元氣、固澀滑脫、收澀止遺；而芡實則味甘、澀，性平，有健脾固腎澀精作用，將兩者相配，再配埋沙苑子、牡蠣等製成金鎖固精丸，就可以增強固腎止遺作用，有助改善遺精及早洩等問題。