今夜一丁： Casey Calvert 脫界才女 出書開講座

稱Casey Calvert做脫界才女一啲都唔過分，因為佢的確係一位有真材實料嘅才女嚟。喺美國馬里蘭州出生嘅佢，父親係大學教授，所以佢自細喺嚴格管教下長大，每日嘅活動就係讀書，高中時憑住優異成績，以獎學金入讀佛羅里達大學修讀電影製作學位，同時副修人類學及動物學。而對攀岩充滿興趣嘅佢，更成為大學嘅攀岩隊隊員，並喺攀岩比賽獲得冠軍！不過最估唔到嘅係，攀岩令佢練出超強嘅體格及體能，並對日後喺四仔界發展有相當大幫助。

一直以為會朝住電影界發展嘅佢，卻因為21歲時發生嘅初戀而改變一切。當時佢同一位年長20年嘅男友拍拖，對方不但開發咗佢對後門玩樂嘅性趣，初嘗第一次親密接觸後，更發現自己對性愛不能自拔，因此佢決定從事脫星工作，除咗可以滿足私慾外，更坦言喺鏡頭前裸露身體，令佢覺得相當興奮。

甫出道，佢就為四仔片廠Sex Art Studios演出處女作短片，結果深受四仔迷歡迎，不過令佢開心嘅同時，亦憂慮一個問題，原來家人並唔知道佢做脫星，更因此而搞到失眠，幸好最終獲得家人嘅支持，佢才如釋重負。

之後佢全身投入四仔界，並走戀物系脫星路線，原因係佢對戀物玩法情有獨鍾，跟住先後為多間著名片廠演出多套人氣戀物題材四仔，其中為Girlfriends Films演出嘅《Homecoming》，更喺AVN及XBIZ四仔頒獎禮獲得「最佳戀物脫星」殊榮，從此奠定天后地位，實力強勁！近年佢除咗演出四仔，更做埋小說家，先後寫咗幾本關於脫星生活、性心理問題嘅小說作品，因而被封為脫界才女，此外佢更去大學開講座，講述成人產業嘅情況及發展。做脫星做到喺大學開講座，呢啲咪叫做勁囉！

社交網站

Casey Calvert又拍四仔又寫小說，工作相當忙碌，但係佢亦會定時喺社交網派福利，以報答粉絲嘅支持，仲會分享生活點滴，讓大家可以更加了解佢。

網址：https://twitter.com/caseycalvertxxx

Profile

出生地：美國馬里蘭州

身高：160cm

三圍：34C-25-34

撰文：魂