有性趣：章魚益精補氣血

被譽為「最聰明無脊椎動物」嘅章魚，因為有八隻觸手，所以又稱八爪魚，係一種常見嘅海產。

喺中醫角度，章魚味甘、鹹，性平，無毒，歸肝、腎經，具有養血、益氣、生肌、催乳、調節血壓等功效，而且可以幫助男士增強體力同改善體虛。

講到營養方面，章魚含豐富蛋白質，仲有鈣、磷、鐵、鋅、硒、維他命E、維他命B、牛黃酸等多種有益成分。另外，章魚含有精氨酸，呢種物質係精子形成嘅必要成分之一，有意生育嘅男士們，可以考慮多食章魚，以增強性功能同持久力。