有性趣：解密男性女愛

書中一開始，就將著作定義為「愛與性涵養」嘅親密書。乜嘢叫做「愛與性涵養」呢？作者表示從古至今，關於兩性、情慾、親密關係等情感問題，一直困擾古今男女，及至21世紀仍有唔少人嘅兩性價值觀，仍停留喺封建時代，加上各種框架同體制，令人當遇上戀愛、婚姻，甚至性愛問題時，總係會覺得不知所措，故此呢本書就為大家講解乜嘢叫做愛。

不過大家又唔好以為，呢類談情說愛嘅著作都係悶到慌嘅教學書嚟，反而書中探討嘅內容相當有趣，好似「男人咪以為胯下有巨物就係真男人？」「女人就唔可以睇AV？」「私密處應該點清潔？」「如果另一半有性癖好，咁係咪性成癮呢？」同埋男女都想知道答案嘅問題，就係「男女之間到底有冇純友誼？」話題不但有趣，而且夠貼地，相信可以解答到大家藏喺心底嘅兩性疑惑。