有性趣：收腹運動壯雄風

做收腹運動，其實好簡單，可以站立或坐着進行，做法係縮起個肚，令肚皮向內凹，與此同時要拉直背脊，並以鼻吸氣，再慢慢以口吐氣；吐氣時，盡量將小腹收縮，直到無法再縮為止。此動作以10次為一組，進行兩至三組。只要每日把握空檔做幾次，就可以見到效果。

值得一提，收腹唔止係一種鍛煉腹部肌肉嘅運動，仲可以做埋提肌，強化肛門至會陰嘅肌肉運動，能夠活化陰莖海綿體嘅血液循環，提升勃起機能！又因為下腹有「陰廉」、「大赫」、「曲骨」等穴道，都係同「壯陽」、「強精」有關，所以收腹連同提肌動作一齊做，對增加性功能有幫助。