有性趣：雙美丹男歡女愛大家爽

佢記載於唐末宋初陳希夷所著嘅《房術玄機中萃纂要》入面，聲稱能充分滿足男女於床上共享歡愉，材料包括有五味子、遠志、蛇床子、朝腦及龍骨。雖然藥名有個「丹」字，不過佢唔係藥丸，而係藥粉嚟，做法相當簡單，只需將所有材料混合並碾成粉末便完成。至於用法亦好簡單，只需喺曳曳前取出藥粉搽喺女士私處便可。據書中稱用後「男女歡洽，雙美不倦」，意思係男女雙方都能夠獲得高潮。

材料中嘅朝腦，其實即係樟腦。從樟樹嘅根、幹、枝等處提煉而成嘅樟腦，據明代李時珍所撰嘅《本草綱目》稱，具有「通關竅、利滯氣、治邪氣」等作用。看似同性生活無關嘅樟腦，喺現代藥理學中發現其含有嘅雙環萜酮，具有興奮中樞神經系統，增進呼吸及循環嘅作用。不過大家要留意樟腦具有一定毒性，切勿擅用。