大開色戒：胸奴族最強剋星？

胸奴族最大嘅樂趣，莫過於欣賞一對又一對巨乳。不過，最近日本有一件內衣掀起話題，更成為胸奴族最大嘅剋星，就係「束胸內衣」喇！呢件內衣其實早喺幾年前已經出現，而佢誕生嘅原意，係為一班因為身懷巨乳而造成困擾嘅女性而設。當佢哋着上束胸內衣後，激凸嘅胸部就會變得平平無奇，令生活上變得方便，亦唔使再受到其他人嘅奇異目光而感到尷尬。

有着過呢件束胸內衣嘅女網民表示，效果相當顯著，就算做運動時，內衣亦能夠好好包裹住巨乳。不過最令人意想不到嘅係，佢竟然係唔少巨乳女Coser嘅恩物，皆因每當佢哋Cosplay男性動漫角色時，束胸內衣便可大派用場。只係一眾胸奴族卻坦言相當擔心，話咁樣會令巨乳日常嘅時間大減囉！

日本偶像團體「放課後公主」自2011年8月成團以嚟，一直以清純氣質迷倒粉絲，人氣亦相當高企。不過喺上年3月，當中年紀最大嘅成員道重佐保宣布退團，正當大家以為佢會淡出藝能界之際，早前佢喺社交網表示以「放課後公主」身份，喺眾籌網站Campfire籌募製作費推出最後一本寫真集。本來為引退寫真集進行眾籌嘅做法好常見，咁點解道重佐保呢本寫真集會成為日本網絡熱話呢？除咗因為現年30歲嘅佢，外形恍如凍齡一樣之外，更係佢出道以嚟嘅首本寫真集，仲要係着內衣展露好身材，作為眾多日男女神嘅佢，點可能唔引起關注呢？眾籌活動雖然到1月底為止，但至今已籌得超過50萬日圓，相信喺限期前唔難達到300萬日圓嘅目標。

雖然坊間有唔少關於男士兵器長短與女士性愛滿足度嘅調查，結果大致上都係話男士兵器唔太短，女士都唔會介意。不過早前網絡論壇Reddit嘅一篇討論文，卻再次將男士兵器尺寸與約會對象扯上關係。事緣有女網民出貼問：「有冇辦法喺唔上床嘅情況下，知道男士嘅兵器尺吋？」大部分網民都正常回應話除咗直接問對方，睇怕都冇其他辦法，點知呢位女網民就話：「老實講，兵器硬直時得5.9吋或以下，對我嚟講一啲興趣都冇囉！」呢句話立即燃起網絡火頭，有唔少男網民反問佢能夠分辨出5.9吋同6吋之間嘅分別？亦有女網民回應指佢男友得4吋，但相當「夠用」。貼文至今獲超過4,100個回應，唔知大家又點睇呢？

撰文：魂