有性趣：虛擬網紅 教性知識

深入認識

VTuber即係虛擬YouTuber，「花魁由宇霧」經常喺YouTube頻道上分享各種性知識及解答性學問題，而醫生岩室紳也亦對性健康有深入認識，因此書中嘅內容不但全面又夠深入，而且仲充滿趣味性。全書共分為講解生理構造及反應嘅「花園之章」、解答自娛困惑嘅「自愛篇」、性愛初體驗嘅「請郎入室篇」及情色世界嘅「遊廓之章」等四個部分。

內容貼地

內容除咗有趣之外，而且仲相當貼地，例如喺「花園之章」中，便講及「男性性器愈大愈好？」「有冇辦法令兵器更粗壯？」「人老咗性器會出現變化嗎？」等。而「請郎入室篇」則會講到「要到幾多歲至可以享受魚水之歡呢？」「如何挑選安全套？」等。至於「遊廓之章」就會探討情色世界嘅各種錯誤資訊，等大家唔好將錯誤嘅性知識以為正確，配合有趣嘅漫畫，令閱讀性更提升。