有性趣：四時雙美散 男士床上恩物

佢記載於唐末宋初陳希夷所著嘅《房術玄機中萃纂要》入面，可謂古時男士嘅床上恩物，皆因佢聲稱能令兵器變得更巨更大。材料包括有木香2錢、無明異1錢、胡椒5分、桂心1錢、蠶娥3對及丁香1錢。做法好簡單，只需將所有材料混合並碾成細末，以煉蜜搓成丸狀便可。服用方法係每晚臨睡前食10至12粒，並以薑湯送服。

據書中稱男士服用後，便會有「巨大不可當」嘅效果。至於令兵器回復原狀嘅方法，就係喺兵器上呵氣，又或飲杯茶便能解除藥性，真係講得好神奇喎！話說回來，由於胡椒具有主下氣、溫中及暖腸胃等作用，故此自古被視為具有燃情作用嘅食材。有趣嘅係原來古羅馬人，亦視胡椒為催情食物。