有性趣：楊妃小浴盆浸一浸爽到震

佢並非真係一個浴盆，而係一道浴劑，記載於唐末宋初陳希夷所著嘅《房術玄機中萃纂要》當中，材料相當簡單，只需要官桂及木別子各一錢，同埋白礬7分便可。做法係將所有材料放入煲內，然後以5碗水煎成3碗水便完成。煲好嘅浴劑又應該點用呢？男女只需用嚟洗滌私處便可以達到效果，據書中稱，男女用後「雙美不可盡述」，好似好神奇喎！

材料中嘅官桂，即係肉桂，據清代黃宮繡編著嘅《本草求真》稱，桂皮「大補命門相火，益陽治陰」，實在對男女均有益。不過講到沐浴，大家又知唔知唐代人係用乜嘢嚟沖涼呢？答案就係澡豆。據孫思邈撰寫嘅《千金翼方》稱「衣香澡豆，仕人貴勝，皆是所要」，意思即係從皇室到百姓，均需用到澡豆，而澡豆配方有好多，其中最誇張嘅係用上丁香、沉香、青木香等多達17種材料，原來沖個澡都一啲唔簡單。