昔日東方有性趣：鯧魚補腎益精
鯧魚別名為鮀魚、昌侯龜、昌鼠、狗瞌睡魚、鯧鯿、鏡魚、平魚等，屬於鱸形目鯧科動物，從中醫角度而言，其味甘，性平，歸胃經、脾經，除咗營養豐富之外，仲具有益氣養血、補腎益精、滑利關節、柔筋利骨等功效，對治療體虛、氣血不足、倦怠乏力、食欲不振、消化不良、脾虛泄瀉、貧血、筋骨痠痛等相當有作用，所以男人真係要食多啲喇！
銀鯧參歸湯
想利用鯧魚達致補益效用，不妨烹調銀鯧參歸湯，材料包括鯧魚1條、黨參、當歸各15克，生薑適量。做法係先將黨參及當歸、生薑煎湯然後去渣，再放入鯧魚煮熟，食用時可添加少些食鹽調味。呢味湯利用鯧魚配補氣益血嘅黨參及當歸，以及溫中健胃嘅生薑，適合進補，亦對氣血不足、脾胃虛弱者有幫助。
小心食用
雖然鯧魚含有豐富又易於吸收嘅蛋白質，亦含有DHA等有益於人體嘅成分，但並非適合所有人食，因為鯧魚屬於發物，意思係帶有一定刺激性，尤其係有皮膚病嘅人士，食咗之後會導致皮膚痕癢。另外，被捕獲嘅鯧魚有時腹中亦會含有魚籽，當中含有毒性，會引發痢疾，故要小心處理。
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
