有性趣：立效丸持久不洩

佢記載於唐末宋初陳希夷所著嘅《房術玄機中萃纂要》當中，具有增強持久力嘅功效。材料包括有石燕一個、海馬一隻、南木香、丁香及蓮子心各3錢。做法係先將海馬及南木香烘乾，然後將所有材料混合並碾成細末，以煉蜜搓成如芡實般大小嘅丸狀便可。

喺曳曳前，取出一至兩粒藥丸，放入口中嚼爛並吞服，聲稱便能增強持久力。要完事嘅話，就需要用車前子喺掌心擦拭，之後便能一洩如注，如果事先冇準備車前子嘅話，就只能忍受谷住谷住嘅痛苦喇。據明代李時珍著嘅《本草綱目》稱，海馬具「暖水藏，壯陽道，消瘕塊，治疔瘡腫毒」等作用，而最關鍵就係能壯陽道，可謂男士嘅恩物。