有性趣：䰾魚補 腎陽壯腰膝

增強雄風

䰾魚屬於鯉魚科，體形長而側扁，背部微微隆起，魚身成菱形，長約40厘米，有青竹、青魚、竹䰾、青竹鯉、青鮒鯉等別名。從中醫角度而言，其味甘，性熱，對增強男士嘅雄風相當有作用，因為佢具有補腎陽、壯腰膝嘅功效，主治腎虛陽痿、腰膝痠軟。唔少中醫藥典籍都有記載䰾魚嘅功效，據《中藥大辭典》稱䰾魚主壯陽道，溫中補衰，治陽痿、遺精、脾虛洩瀉、倦怠乏力，建議用䰾魚肉30克至60克，以水煎湯服，或曬乾後碾成細末，搓成藥丸服用。

湯清味鮮

䰾魚除咗魚肉常被食用，原來佢嘅內臟都可以煮成佳餚，名叫䰾肺湯，又叫斑肝湯，為江蘇地區傳統名菜，利用太湖䰾魚嘅肝臟及兩側嫩肉，再加上高湯、紹酒、胡椒粉、火腿、冬菇、筍片和豌豆苗等材料烹製，風味獨特，湯清味鮮。