有性趣：了解男女性生理

呢本書嘅特色在於當中嘅內容分成「男人的性愛」及「女人的性愛」兩大部分，而每部分再分為四個章節，分別係外表、肉體、性器官及內心。作者表示撰寫呢本書嘅原因，源於男女對性愛嘅睇法有很大不同，例如男人認為性能力等同存在感，但女人卻唔認同；女人認為裸體先至係性感，但男人卻鍾意若隱若現，故此佢將內容分成男女兩大部分，等兩性能更明白彼此嘅諗法。

咪以為呢本書好學術，其實當中談及嘅話題相當有趣，好似喺男士部分中，作者便查探能否從男士外表，睇得出佢係咪擁有大兵器、有腹肌嘅男士係咪更吸引、男士發射升空後點解會有空虛落寞感等。至於女士部分，便探究少許酒精能否令女性變得更性感、口愛原來有深層次嘅意義、女士要建立性愛資料庫等，內容既有趣又具專業性，係了解男女性生理及心理嘅實用手冊。