今夜一丁：國友愛佳 飛車女教師

喺香港，想做有車階級，代價唔細，唔係話買唔起部車，而係車位太少，泊車麻煩，想揸住部車周圍飛又遇到唔少限制，唔似得喺日本有好多空間畀人享受飛車樂趣，難怪當地有好多靚女都係飛車一族，包括平嶋夏海、葉月美優，同埋以下要為大家介紹嘅國友愛佳。加入寫真女優行列已經好幾年嘅愛佳，方形面配大眼睛，個樣散發出一陣輕熟氣質，望落同知名藝能人小向美奈子有幾分相似，但身材方面就正好多，胸前對E奶夠晒睇頭，配合曲線明顯、帶健美感嘅胴體，就更加係相得益彰。

出道以來，愛佳唔止一次參與選美活動，仲喺「Miss Young Champion」奪得粉絲支持獎。另外，阿妹除咗身材好，學歷都唔差，擁有好多專業資格，包括第1種美術科教員免許、中學校教諭1種免許、高等學校教諭1種免許等等，就算唔拍寫真，都可以去學校教書。雖然愛佳家陣唔係Miss，但會不時拍片教大家洗車，事關佢係一位電單車愛好者，平時鍾意驅車四圍飛，所以唔少媒體會搵佢拍片，介紹有關電單車嘅資訊，早前一段倒奶洗車片更加喺網絡上瘋傳，成為一時佳話！

雖然國友愛佳喺近排接咗唔少同電單車有關嘅工作，又忙於隨女團KNU oNEW四圍登台，但佢依然會盡量抽時間拍寫真，等大家可以繼續欣賞到佢嘅好身材，登入佢嘅社交網就可以睇到部分靚相。

網址：https://twitter.com/kunitomo_aika