有性趣：骨盆腔肌肉群愈操愈強壯

主要由提肛肌同埋承載住膀胱、尿道、直腸嘅肌肉群所構成。訓練好骨盆腔周圍嘅肌肉，能夠達到促進血液循環、減輕泌尿系統負擔、遠離攝護腺疾病嘅目的，仲可以幫助男性增強持久力同延長射精時間。

英國有研究顯示，原本患有勃起功能障礙嘅男性，適當地訓練骨盆腔肌肉群，約有40%個案能恢復勃起功能；另有比利時學者發現，訓練骨盆腔肌肉群，對於預防男性早洩有幫助。順帶一提，進行相關訓練，除咗可以增強雄風，亦有助中老年男士預防因骨盆底部肌肉鬆弛而出現失禁情況！

1.平躺身軀，膝蓋彎曲，收縮臀部肌肉，下盤往上提高，同時提肛10至15秒，然後休息10秒；之後重複動作，每日至少做5次。

2.兩腳站立，臀部向上翹，同時收縮臀部向上，提肛10至15秒，休息10秒之後重複動作至少5次。建議每晚睡前做呢個運動。