有性趣：怡情固精丹 長戰長有

佢記載於宋初陳希夷所著嘅《房術玄機中萃纂要》入面，聲稱能令男士玩得醒神，材料包括有五味子、遠志、木香及蛇床子，做法好簡單，將所有材料碾成細末便可。每次喺曳曳前，取出少許藥粉以溫水開勻後搽喺兵器上，跟住就可以進行活塞運動。據書中稱用後有「大能怡神固精」嘅功效，意思係玩得盡興而腎不虛外，仲有固精嘅作用添。

材料中嘅遠志，其實係多年生草本植物嘅根，主產於河北、山西、陝西等地，於春季長苗前或秋季地上部分枯萎後，挖出根部並洗淨後，再曬乾而成。據明代張介賓所撰嘅《本草正》稱，遠志不但具有鎮心止驚嘅作用，更有「壯陽益精，強志助力」嘅功效。而魏晉時期陶弘景所著嘅《名醫別錄》亦稱，遠志具有「定心氣，止驚悸，益精」等功效。