今夜一丁：小山夏希 文武雙全G奶妹

家陣日本有唔少女優都係身兼兩職，好似之前介紹過嘅新海真紀，拍寫真之餘，仲做美食速遞員，而今年31歲嘅小山夏希，就係一名辦公室女郎。出道拍寫真已經有好幾年嘅夏希，天生麗質，望落同個十八廿二嘅少女冇乜分別，笑起上嚟仲要甜度十足，散發住天真氣息。身材方面，夏希Keep得好弗，前凸後趷，曲線誘人，胸前對G奶飽滿堅挺，加上肌膚嫩白，着起性感裝束真係勁吸睛。

小山夏希喺2013年推出首部寫真映像作品，仲參加埋選美活動「Miss Young Champion」，雖然一個獎都拎唔到，但就獲邀加入女子組合Young Champion學園音樂部，有機會登台出唱片。之後，阿妹轉投另一支組合「Sanspo偶像記者SIR」，但因為搵唔到食，2017年決定搵份正職，喺企業入面擔任辦公室女郎，只係喺周末放假嗰陣先去拍寫真。

除咗上述兩份工作外，夏希仲係素人異業種格鬥戰嘅選手，而且好打得，喺擂台上打到差啲剝埋衫，真係厲害。話說，當日夏希上台同一名叫薩特曼嘅女選手對決，輕輕鬆鬆就將佢砌低，點知裁判宣布夏希獲勝之後，薩特曼唔服輸，從後拉扯夏希件泳衣，搞到佢幾乎兩點失守！好彩工作人員及時上前阻止，否則佢嗰對極品G奶肯定會搞到全場男士噴晒鼻血！

小山夏希

年齡：31歲

身高：5呎1吋

三圍：35-24-35

小山夏希一有時間就會出席攝影會搵真銀，亦會將花絮同自拍照上載到社交網。咁識得派福利，難怪可以喺寫真界撈到咁多年啦！

網址：https://twitter.com/ntk0713