有性趣：按摩腰眼穴固精壯腰

腰眼穴位於腰部第四腰椎棘突下，旁開約3.5吋嘅凹陷處，位於環繞腰部嘅「帶脈」之中。

適當地按摩腰眼穴，可以疏通帶脈同強壯腰脊，達到溫煦腎陽、暢達氣血、固精益腎等功效。對於中老年人嚟講，則有助保持腰背挺直，防治風寒引起嘅腰痛問題。

取穴方法好簡單，雙手先搵出自己盆骨嘅最頂位置，呢個部位叫做髂嵴，佢同第4腰椎棘突呈水平位置，然後，從正中線開始量度出大約一隻手掌多少少嘅距離，嗰度就係腰眼穴所在之處。按摩時，身體最好坐得端正，兩手握拳自然伸向後，用食指隆起嘅拳眼緊按腰眼穴，並做出旋轉動作按揉，每次可按5分鐘。