有性趣：緊緻私密提升快感

佢記載於宋初陳希夷所撰寫嘅《房中玄機中萃纂要》入面，之但係翻查資料，當時叫做樂安公主嘅女性有幾位，雖然唔知係指邊個，但呢個並唔係重點，最重要係藥方可謂男女行房時嘅恩物。材料包括木香、沉香、甘松、藿香、牡蠣、龍腦、龍骨、附子、飛礬及烏魚骨各5錢，胡椒、百圭、零陵香及麝香各1錢，做法係將所有材料混合並碾成細末，再以煉蜜搓成丸狀便可。

據書中稱，用法係行房前取出一粒藥丸並置入女性蜜洞內，便能發揮「行房如室女」嘅作用。所謂「室女」，即係未出嫁嘅女性咁解，簡單嚟講即係會令蜜洞緊緻如初。實情係咪咁勁就唔知，只係知道材料中嘅烏魚骨，即係烏賊魚骨，又稱墨魚骨、海螵蛸等，據清代葉桂撰寫嘅《本草經解》稱，「男子腎虛，則精竭無子；女子肝傷，則血枯無子」，烏魚骨有益肝腎，通血益精，具有助陽益腎嘅作用，男人最啱食。