昔日東方有性趣：牙帶魚滋陰補虛
喺弱肉強食嘅大海入面，有唔少兇猛嘅肉食性魚類，滿口尖牙嘅牙帶魚係其中一種，但無論呢種魚係幾咁惡，人類一樣照食可也，更被男人視為補益嘅佳餚呢！
屬海魚之一
牙帶魚係一種海魚，有好多別名，包括鞭魚、帶柳、裙帶魚、海刀魚、鱗刀魚、白帶魚等等。
歸肝、脾經
喺中醫學角度，呢種魚性溫，味甘、鹹，歸肝、脾經，具有補脾、益氣、暖胃、養肝、養血、強心等多種功效，對於幫助身體消除疲勞、回復體力好有幫助。
典籍點樣講？
唔少中醫藥典籍有提及牙帶魚嘅食用療效，其中《本草從新》就有以下記載：「補虛，解毒，止血。主病後體虛、產後乳汁不足、瘡癤癰腫、外傷出血。」
至於從現代營養學角度去分析，牙帶魚蘊含嘅脂肪比一般魚類為高，但多為不飽和脂肪酸，而呢種脂肪酸具有降低膽固醇嘅作用。另外，牙帶魚含有鎂、鈣、磷、鐵、碘等多種營養成分，仲含有維他命A，實為理想滋補食品。
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
