有性趣：素女周每母催動情慾

佢記載於北宋初陳希夷所著嘅《房術玄機中萃纂要》入面，雖然佢係一粒藥丸，不過唔係內服而係外用，當中所需嘅材料分別有母丁香、蛇床子、白茯苓、甘松、白礬、山茱萸、肉蓯蓉及紫稍花各5錢，另有細辛2錢及麝香5分。做法相當簡單，只需將所有材料碾成細末後，再用煉蜜搓成丸狀便可。

用法亦好簡單，喺行房前先取出一粒藥丸，用水化開後搽喺男士兵器上，然後進行活塞運動便可。書中稱使用後「男女身體輕健暢美，若遇仙矣。」意思係令人身心舒暢，欲仙欲死，真係相當神奇。材料中嘅甘松，又稱甘松香，係一種生於高山草原地帶嘅植物，主要分布喺甘肅、四川、雲南等地，藥用部分為其根莖。據北宋所編嘅《開寶本草》稱，甘松具有治療胃痛、頭痛、胸腹脹滿等功效。