有性趣：情色女王攻心計

喺2010年3月以29歲之齡於日本寫真界出道嘅壇蜜，當年憑住濃濃女人味，同埋迷人嘅身材而成為寫真界嘅「情色女王」，及至2019年11月跟漫畫家清野通結婚，令唔少男士傷心不已。佢喺書中指出其實每位女士，體內其實都藏有一位情色魔女，只要識得帶佢出嚟，並喺了解男士嘅習性後，再勾引男人呢種「非常可愛嘅生物」，便能成功將佢哋征服。

全書分為5個章節，分別係專門教授女士衣着嘅「外觀的禮法」、喺約會時點樣令男士着迷嘅「約會的禮法」、言談間令男士蠢蠢欲動嘅「言語的禮法」、喺床上令男士興奮嘅「床上的禮法」，以及調整女士自信心嘅「心態上的禮法」，每個章節不但環環緊扣，而且透過幽默及經驗分享嘅文字，能令女士嘅魅力大幅度提升，想誘動男士嘅心話都冇咁易！