有性趣：鹿鞭補腎 壯大男士雄風

鹿鞭又名鹿腎、鹿沖，係雄性梅花鹿或雄性馬鹿嘅外生殖器，其味甘、鹹，性溫，歸肝、腎、膀胱經，有補腎、壯陽、強腰膝嘅功效。

據中醫典籍《日華子本草》記載，鹿鞭有「補中、安五臟、壯陽氣」等作用，主治腎虛勞損、腰膝痠痛、耳聾耳鳴、陽痿、遺精、早洩、宮冷不孕、乳汁不足等問題。

要好好利用鹿鞭，可以用嚟浸酒。做法係將兩具鹿鞭洗淨，以溫水浸到軟身，去除內膜後切片，就可以浸入白酒（1,000毫升），約1個月後可飲用，建議分量為每日兩次，每次少於15毫升。除咗可以壯陽，對改善體倦乏力、精神不振都有幫助。