有性趣：房事過頻致腎虧？

佢記載於元代御醫許國禎所著嘅《御藥院方》入面，早喺公元1285年開始編撰，及至1288年完成並名為《至元增修本草》，可惜呢本元代唯一官方修錄嘅醫書其後亡佚，而《御藥院方》則係當中殘卷。至於「凌陽子木香丸」採用嘅材料分別有山茱萸1両、蓮花蕊1両、破故紙5両、白茯苓2両、木香2両、胡桃半斤、菟絲子5両，做法係先將菟絲子酒浸3日並烘乾後，將所有材料混合磨成細末，以煉蜜搓成丸狀便可。

不過大家要留意，呢道藥方服用量相當大，每日服70粒，空肚以溫酒送服。據書中稱，呢道藥方具有「滋陰養正，補腎秘真，堅骨髓，悅顏色，主治虛損」嘅作用。事實上，藥方中所用嘅胡桃，喺中醫角度嚟睇，具有補腎溫陽嘅功效。據清代汪紱所著嘅《醫林纂要探源》稱，胡桃具「補腎，潤命門，固精，潤大腸」等作用，而清代吳儀所著嘅《本草從新》亦稱，胡桃具有 「治痿，強陰」嘅功效。