昔日東方有性趣：刺激三陰交治性功能障礙
做男人一定要夠腰力，咁先可以喺床上填補到伴侶嘅空虛，令對方體驗到魚水之歡嘅樂趣。腰部之所以咁重要，一啲都唔難理解，因為嗰度有增強腎功能嘅腎俞穴，但其實男人要增強雄風，照顧好雙腳，同樣有幫助，皆因小腿內側有個三陰交穴，係治療男子性功能障礙嘅常用穴位之一！
何謂三陰交？
三陰係指足太陰脾經、足厥陰肝經、足少陰腎經呢3條陰經，交就有交會之意，換句話說，呢個穴名係指足三陰經嘅交會之處。
位置喺邊？
三陰交呢個穴位於小腿內側，足內踝對上3吋，脛骨內側緣後方凹陷之處。
點樣刺激？
用拇指按摩三陰交穴，並逐漸加壓，按摩7秒之後可以慢慢鬆開，反覆做15次，之後就換另一隻腳。另一方法係通過艾灸，將點着咗嘅艾條放喺三陰交穴外1至2吋位置，進行艾灸約5至15分鐘便可。
有乜好處？
適當地刺激三陰交穴位，既可調肝補腎，亦可健脾益血，有助治療脾胃虛弱、消化不良、腹脹腸鳴、月經不調等問題。另外，針灸呢個穴位仲有助治療遺精、陽痿、陰莖痛、小便不利、睾丸縮腹等情況呢！
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
