有性趣：AV王子教你性福秘訣

提起日本AV界男神，唔少人都會諗起清水健，但係講到有顏值又有學歷，兼且床技非凡嘅仲有鈴木一徹，呢本著作正係收錄佢投身AV界後嘅心路歷程。今年42歲嘅佢，畢業於日本中央大學法學部，當年正想考取會計師資格時，覺得既然自己有強烈嘅慾望，點解唔試吓將興趣變成工作呢？於是2003年佢決定投身AV界，以俊朗嘅外形俘虜女粉絲，成為人氣AV男優。

書中一開始便講佢向「師傅」清水健學習，從當年睇AV學到嘅錯誤性知識，被糾正成正確嘅性認知，當中包括床戰係咪愈激烈愈興奮、口愛演出應該點演、曳曳時係咪要頻頻轉換體位、硬而大嘅兵器係咪必要等等。跟住第二章講述女士最享受嘅曳曳模式，當中最重要嘅就係正確使用安全套，到最後一章便講解性愛喺生活上嘅重要性。此外，書中更收錄佢跟AV女優紗倉真菜嘅深度訪談，仲有爆料AV拍攝現場背後嘅秘密，內容娛樂性及實用性兼備，可讀度相當高。