有性趣：浴爐吹 興陽藥浴配方

佢記載於北宋初陳希夷所著《房術玄機中萃纂要》入面，所需材料並唔複雜，當中包括松香、甘松、青皮、荊芥、五味子、蛇牀子及朴硝。做法亦相當簡單，就係將所有材料連同三棵葱加兩碗水煲滾，待變溫後女士就可以用來清潔私處。據書中稱，呢道藥浴配方具有「興陽佳妙」嘅作用。

材料當中所用到嘅松香，原來除咗可以用嚟做肥皂外，更係中藥材嘅一種。據明代李時珍所著《本草綱目》稱，松香具「強筋骨，利耳目，治崩帶」嘅作用。另外，據明代李梴撰寫嘅《醫學入門》謂，松香不但具有治關節痠痛、生津止渴及固齒功效，更有壯陽嘅作用添！