有性趣：曳曳都可以瘦身？

一般人講曳曳能瘦身，你可以當佢係吹水，但呢本書嘅作者李允秀博士不但係韓國性科學研究所所長，更係泌尿科專家，同時兼任梨花女子大學和延世大學客座教授，長期研究韓國男女間性關係嘅佢，相信性愛會令人體分泌出有助瘦身嘅賀爾蒙，而激烈嘅肢體動作，亦具有消耗熱量嘅效果，故此佢喺書中一開始，便解釋性愛同瘦身之間嘅關係。

講完理論梗係講實戰，書中第二章分為「讓男人神魂顛倒的秘訣」嘅女性強化運動，及「讓女人欲罷不能的秘訣」男性強化運動兩大部分，而透過呢啲運動便能為達成完美性愛與瘦身做好準備。去到第三章，就直接介紹48種能夠令人變瘦嘅性愛體位，當中包括蜜桃體位、交叉體位、貓咪體位等。最後兩章分別係令性福提升嘅食物及性愛常識，可謂理論與實用兼備。