有性趣：蠶蛾 壯陽補腎

蠶蛾別名魏蠶蛾、天蛾，而中醫藥名叫原蠶蛾，味鹹性溫，歸肝、腎經，具有補肝益腎、壯陽澀精功效，可以治療陽痿、遺精、白濁、尿血、創傷、潰瘍及燙傷等。對於蠶蛾嘅藥用價值，唔少中醫藥典籍都有所記載，例如《別錄》稱蠶蛾「主益精氣，強陰道，止精。」另外，《日華子本草》亦謂蠶蛾「壯陽事，止洩精，尿血，暖水藏。治金瘡，凍瘡，湯火瘡，並滅瘡瘢。」

喺中國古代利用蠶蛾製成唔少藥方，而且唔同做法亦有唔同功效，治療陽痿的話，做法係將蠶蛾陰乾後，去頭、足、毛羽後碾成細末，加入煉蜜搓成丸狀便可，每晚睡前服一粒。至於治療遺精、白濁，做法係將蠶蛾烘乾，去翅、足後碾成細末，用煉蜜搓成綠豆般大嘅丸狀，每日服40粒。