有性趣：教你成為前戲王

鈴木亨治喺書中一開始，便問男士覺得前戲同活塞運動邊個比較重要？雖然男士都明白前戲嘅重要性，但實情係大部分喺前戲時只係求其錫吓撫摸吓後就直入正題，反而更樂於花時間鑽研喺各式體位上。亨治表示其實前戲對女士能夠獲得高潮相當重要，既然係咁，下一步應該點做好呢？

為咗令男士能成為前戲王，書中共分為四章，最後附加各種男士對女性反應嘅誤解Q&A，內容分別有剖白女性床上心思嘅「鮮為人知的女人真心話」、解密女性生理結構及反應嘅「了解女性的身體」、簡單實用前戲技巧嘅「只要這麼做，你也能成為前戲王！超實用性愛技巧」，及前戲禁忌嘅「進入之前常見的疑問」，配合圖文並茂，令男士更容易掌握秘訣。