有性趣：刺激大巨穴　助陽升火

穴位喺邊？

大巨穴別名腋門穴，屬於足陽明胃經其中一個穴位，位於下腹，臍中下2吋，距離前正中線2吋，亦有個說法係「去腹中行當各三寸」。

點樣刺激？

最常用嘅方法係利用刺灸，但呢種方法最好交畀專業醫師處理。另外，艾灸都可以，將燃點好嘅艾條，放喺距大巨穴1至2吋以外位置進行艾灸5至10分鐘。

有乜好處？

適當地刺激大巨穴，有助治療遺精、陽萎、早洩、腹痛、腹瀉、小便不利、疝氣等症狀，好處多多。另外，與女伴享受床上歡愉時，為女方按摩大巨穴及附近位置，有助燃起慾火！按摩時，可選用能帶嚟溫熱感覺嘅按摩油，又或者喺按摩前敷上一塊熱毛巾，以增強大巨穴位置嘅血氣運作。